深圳遊 之 《文化悠閒之旅》

太陽餅無太陽
老婆餅無老婆
海南島無海南雞飯
有無諗過，科學館站都會無科學館？

這個旅程於上星期六起程，本來以為鮎魚的來臨，然後把它擱置了。豈料出發前見到完全無風球，繼而天朗氣清，於是照常走向大陸。首先，友人找來一間悅來客棧，找了好一陣子，但比想像中易找。懶醒的我們忘記有按金這回事，很好，比按金後只餘下幾舊水做成個行程的事。

旅程本來名為《文化悠閒之旅》，主要遊覽博物館及休閒地方，晚上吃一頓燒烤餐，再到酒吧摸杯底，整件事圓滿得很。

只是上天關上門，也會給你一扇窗。這次，上天開了一道門，卻是關上所有窗。第一站已經遇到不知所謂的樽頸，我們辛苦地找到深圳科學館，正當我們滿心歡喜地進去時，發現『通知』

通知：
尊敬的觀眾
因近期我館的整棟大樓進行維修改造工程，常設科普展廳、小設計師實驗室以及科普影院等活動項目暫停開。不便之處，請諒解。

另外我館的常設科普展覽將移至龍崗區，展出的時間和地點另行通知。

深圳市科學館

好喇，首先完全無預計過佢會整幢大樓維修，起碼都留返一兩個館呀，大佬。第二，佢話會將個常設展覽移去唔知係邊的龍崗，重點係時間同地點要另外通知！！！！而我都見唔到有任何通知資料，真係不知所謂，我懷疑佢地發現無人去科學館，於是成個科學館唔要！！

由於成幢科學館都唔開，逼於無奈下我地只好向東門進發，而整個《文化悠閒之旅》正式圓滿結束。去一個無科學館的科學館站，我地最大的得著係食左$20的下午茶，唉。