話說,我(家姐的)家有頭小狗,雖然說是小狗,其實係拉布拉多,而且作為人類的話,他已經係一位阿叔了,但但但我都是當佢係小狗一隻。
上個月的某一天,我發了一個夢。
在夢中,Fency變身為一個小朋友(即使好似百變狸貓咁,由動物變做人的模樣),根據我的記憶呢,他是一個四至五歲,眼睛又圓又大的小朋友,超超超得意。但係又唔可以餵佢食人食的食物,因為大家都知道佢係一隻狗仔。
然後,上個星期,我同Fency相依為命於西貢,每一日的任務就是陪玩、陪食、陪飲水、仲有陪訓(基本上,星期五果日我地兩個狂訓十五個鐘)。然後,我又發了一個夢,佢又變身為一個小朋友,幾多歲唔記得,外表唔記得,但係唔需要講,大家都知道佢係 Fency。
如果真的有下一世的話,不如你變身做一個小朋友作為我地屋企的一份子,好唔好呀?
註:如果你覺得大狗一定係好惡的話,你錯哂啦,我家的 Fency 就是一隻愛撒嬌、愛扭計、愛玩的狗狗。