需要找藉口嗎?

是日我們在討論一個計劃。

Ｙ：有咩方法可以蒙過我同事唔比佢知我放假呢
我：無，你死心喇，比佢知有咩問題？
Ｃ：你唔返佢地實知架，擺個假人係公司。
Ｃ：我地幫Ｙ人諗諗佢放假單野。
勁：話一早同我地約左。
Ｙ：咁我做咩答應佢呀？
我：你話唔記得左。
Ｃ：你同佢講無錢去，但唔好同佢講你假期去邊。
Ｙ：但係又放假啵。
我：你請左假，無人叫你一定要同佢講你去邊，佢係你條女咩，咩都要同佢講。　
Ｙ：但我做咩無神神請假？
我：有假就請，陪屋企。
Ｃ：可唔可以話你無錢去，但你可以同屋企人去。


Ｃ：又或者話原來你一早應承了朋友但唔記得左，你班朋友(我地)提你你先記得。
Ｙ：屋企人會好點，因為佢會知我講大話。
Ｃ：咁同屋企人啦。
我：知你講大話又點？你好似背住條女同我地去旅行。
Ｃ：咁即係其實你假係有，只係唔知點同條女交待，雖然我唔知點解你要交待。
Ｙ：佢平時好幫我，而且佢約左我嘛。

如果說了第一個謊言，我們便要再找第二個大話去遮掩著它，然後便愈來愈謊話了。到底是什麼時候開始，我們不可以再講真說話？在這個假得很的世界，連說一句話都要小心翼翼，幸好我認識了你們，而且可以在你們眼前口不擇言（甚至說些賤得很的說話）。