無聊對話

我：今日走唔到。
Ｔ：下！！！！！
我：係呀，一係我食完飯之後你殺左我；一係你殺左designer；一係殺哂我地兩個。
Ｔ：哇，有好多選擇。
（Ｄ：你可以叫佢殺左對頭人）
我：係喇，一係你殺左我地對頭人，或者整場大龍鳳，分散佢果邊的注意力，咁我就陪到你食飯了。

你．係．邊．呀

A：你食左飯喇？
B：未呀
A：男～朋～友～
B：哈哈哈哈哈
A：我呢，收到呢HR個電話……（下刪一千字）

我跟她前世應該是情侶，然後今世就相遇，閒時互相check對方係邊，當然要講埋同邊個一齊，又很期待跟你買醉的那天。

我想去果度呀

「我有地方想去， 你同唔同我去呀」

「去邊先」

「結婚，哈哈哈哈哈」

「你講左個地點/ 時間先」

「哈哈哈哈哈」

「去!!!!!!!!!!!!!!!!!!」

「下星期」

「幾時註冊!?」

（然後就傾返正經野，哈哈哈）

怕左你

好久以前。

「你係邊呀」

「銅鑼灣地鐵站」

「咁你等埋我呀」

「但係我朋友到左喇」

「咁無野啦，你走啦走啦走啦走啦」

「得啦得啦，怕左你呀，我等埋你先過去啦」

還有一點點的特權。

．關二哥！

是什麼人，就會有什麼樣的朋友，就如講話天馬行空的我，也有這樣的朋友。

（正經事）
友：公屋好平好平又免租半年但係凶宅你會唔會住。
我：唔得，我個人驚有鬼。
友：凶宅係咪送比你都唔住？
我：真係唔得
友：我都接受唔到，會日日都覺得有鬼。
我：你儘管可以話我唔信有主，但我一定信有鬼。
友：然後一有咩唔順利野就覺得關間屋事。
我：會好大壓力。
友：住得唔舒服，如果你好窮呢？
我：窮就無計...
友：係囉.我諗租ge人真係窮到無得選。
我：一係就真心唔信。
友：係囉，要好真心。

（開始講埋無邊際的事）
我：就算我住，我真係會咩都放入去。
友：十字架呀..觀音啊、聖母像啊...
我：係，真係咩都放。
友：我會放埋關二哥
我：哈哈哈，我覺得呢個係爆位！
友：我都覺得好笑，死都要有皇氣。

（遠到扯去火星咁遠）
我：到時你做左警察，你會唔會屋企都有個。
友：買左mini關二哥放係枱頭，幾cute。
我：哈哈哈，我完全想像到。
友：唔知係咪要上香返到差館..我會偷偷地上多兩支，同佢講：私人醒ge
我：你到時可能手機掛飾都有，處處有皇氣。
友：仲要識閃ge佢把刀。
我：即係有人打比你－－佢會閃，然後有個 cute 版鍊咀，我見到真係買比你，唔好講笑。
友：哈哈哈，我想個手機掛飾係cute，但頸鍊想係型型ge。
友：咁你係唔係鍊咀要正經版，你著背心果時 d 人見到會o咀。
友：啲人覺得我好怕死，但啲伙計又會靜靜雞問我係邊度買。
我：到時你 d 型o既比男同事，cute o既比女同事，或者可以出個 bb 版 ( 好似 disney baby mickey )。
友：其實成件事有得撈喎！

***
就是這樣，由正經的《正常人會否住凶宅》，到完全無關係的《凶宅應該放什麼裝飾》，再到扯到「無雷公咁遠」的《關二哥產品》，兩個人說著無邊際的話題，仲要可以接到先厲害。這些又是生活的小點綴！

．hide様

莫名其妙，我迷上一個人，正確來說，是迷上一個已經走到外太空的人。找到愈來愈多資料，就愈來愈迷倒了，沒辦法，我確實愛紅頭髮的吉他手（怪獸從來都不會染紅色的）。

hide嘛，他有一種Peter Pan的感覺，就算已經三十歲，他還是像一個小孩子一樣在舞台上走來走去，然後眼睛總是散發出頑皮跟佻皮的感覺，就像腦袋無時無刻都想著如何作弄你一樣，而且是極端十級的作弄。

他呀，一路上都支持著yoshiki，所以我也會支持yoshiki的。這個Live的他真的好可愛（某人：不要打我，而且不要說他妖，他是妖豔）。雖然不停在youtube找他的東西，可是有時候點到紀念他的影像，心還是會悸動……



我跟我弟在討論他要送我的禮物。

我：不如你送hide娃娃給我。
弟：不要，有沒有別的。
我：我想要hide娃娃，為什麼你不想送？
弟：因為我不想助長你迷他們。

嗯，很好的藉口。

．戲 如人生

C : 我唔知應該用咩態度
K : 熱情與冷淡之間
C : 你以為我係drama club
K : 即係叫你幻想自己係大西洋上的一舊木，然後有隻鳥係你身上歇息，當你正想睇佢係咩鳥時，佢飛走左果種心情。
K : 請用肢體表達。
C : 我會訓係度..繼續扮舊木飄
K : 唔得, 你要企係度
C : 咁企係度囉..一碌木咁

***
希望你可以表現到如火的熱的同時，又呈理出冷若冰霜的一面，但最緊要的是對方知道你這個「戲」。

．助養兒童計劃

時間：不詳

地點：不詳

主題：助養兒童計劃

我：＿＿＿＿＿＿！
凡：到時我比錢你去接我放工。
我：不如你比錢我，我晏晝去搵你食午餐，跟著遊走幾個鐘之後去接你放工。
凡：好呀。
我：細細細佬七月出世呀。
凡：好啦，到時我比你的錢，你可以去紅磡探佢。
我：哇，你好好呀。
凡：不過你唔好搵我的錢去捐。
我：知道啦（見過鬼仲唔怕黑咩）

但，你對我真好（讚下你先，哈）尤如長輩 XD

．記下說的話

那天，一起外出，車子都由左面來。

「你做咩唔望左面呢？」

「因為你係我右面嘛。」

．新年快樂

一次 對話

我：下下個星期喇，順手帶你去遊上環。
Ｓ：咩順手呀~~家下我係咩嘢，係專誠。
我：哈，我肯帶你呢個麻煩鬼去已經好好。
Ｓ：我唔係麻煩鬼，我係開心鬼。
我：你係超級麻煩的麻煩鬼
你：11月15號，你寫低啦，我哋去上環。
我：到時你再提我，點解唔 14 ？
你：我係超級令你開心的開心鬼。
你：因為15號你生日後1個月，慶祝，1個月後實踐帶你去食朱古力的心願。
我：你係令我超級燥底的麻煩鬼。
你：你係令我超級擔心的小鬼。
你：你係一個永遠都病唔好嘅病鬼。

*****

我的朋友分數種。

一是會經常找的；二是數個月才找一次；三是想起才會找；四是十年也不找一次，而說這些話的那個人就是第四類。這個人是很縱容我的，只是我對他總是燥到不行，但他從沒罵過我一句（我應該是欺善怕惡的，哈），只會酸溜溜的說：「你對我總是比對任何人差。」每次出去過後，總是會有點愧疚（我還稱得上是一個人），然後跟他說：會對你好一點。最後，當然是故態復萌，繼續肆虐下去，因為沒有對他好的衝動。

上一次出外，這個人無意得罪我，然後我決定不會找他，但他前幾天又無喇喇找我，說要請我食甜品，他說了一句話，「或者你已經當我找你是理所當然」。這其實是一個事實，因為我知道就算我不找他，他也會自動找我。

對於他，除了愧疚之外，也找不到第二個形容詞。

好 累。

最近忙到有點天昏地暗、精神錯亂。經過了一天的辛勞工作，終於在01:59am完成一大個報告，自己也覺得自己好勁。不過，我宜家眼訓到爆炸。

如果不是自己執著的話，相信可以早早完成報告了，只是我不想交一個過不了自己良心的報告給人，這次真的苦了自己……雖然別人可能會覺得這個報告很簡單，但至少，我知道我努力過。努力過後，要獎勵自己吃一個早餐，期待明天的早餐（但不期待明天的兩個會和像山一樣高的工作），我相信，至少兩個星期後我才可以回復正常。（但兩個星期如十年般一樣長………）

友：仲做緊？
我：係呀。
友：幾時要做完呀
我：兩個星期後，不過宜家又多兩個星期，但係都係死路一條。
友：咁都唔係，比多兩個星期你，你又係死，不如唔好比你。
我：佢唔比多兩個星期我，我死十條命都唔掂。
友：你又講中喎。

節錄對話：

S：我手提唔見哂電話呀！
K：原因？
S：錯手刪除所有電話。
K：證明我地緣盡．嘿！
S：我知你電話。
K：我仲以為你問我電話。
S：問邊個都唔敢問你啦，唔係又唔見我一頭半個月。

*****
由以上對話可見，我完全置S的電話於外，只隨口問一句，還打算藉著沒了電話號碼這回事而斷絕來往，而且完全不當一頭半個月不找他是什麼一回事，可見我甚少提起興趣找他（可以話由一年前開始不會主動找他，而且約見面的也不會是我，我真的很……）。再者，上次的晚飯，我由頭責難他直到最後一分鐘（你真的很煩呀、我不想聽你講、不關我事我不聽等等等待），連自己也替他感到不值，但我不會改，謝謝。

最近，S不斷迫我跟他出去（而且是他由新界來港島），常人應該會答應他，可惜他遇上的是我。

對話

A : 今日你有地方訓喇。
B : 點解 ?
A : 因為「避暑山莊」開放呀。
C : 「避暑山莊」有杯麵食架！
B : 係唔係真呀！
A : 咁我地今晚一齊去「避暑山莊」
B : 但係你講過唔會一齊食飯喎！
A : 咁我地各自食飯，然後係「避暑山莊」度等，D，你記住一齊去。
（由始至終，D 係無講過一句說話的，都被拉下水）

＊＊＊＊

這樣的對話，也夠我笑上一小段時間，哈哈。

兩句說話

「想你，掛住你呀。」

「我生日，如果你來陪我的話，我推哂其他人。」

節錄自 17:52 的電話。

旅行與手信

我深信旅行與手信有著不可分割的關係，既然你不是跟我去旅行，那麼在外地時，應該要帶一份手信回來，證明你在外地也曾經想起過我的。

我：你幾時去泰國？
勁：今年六月，個個都話要蝴蝶袋。
我：你知我唔要架。
勁：你要拖鞋呀嘛。
我：三對！！！！
勁：邊有位擺！
我：你扔左一包野食咪有囉。
勁：扔左我囉咁，最緊要拖鞋返到來。

你知道如果有進展的話，我也會快樂呀，所以別把你自己的事藏起來，我想知不是因為我八卦，我真的關心你而已。

談起手信，阿凡，記得你要買別人多一倍的手信給我呀，雖然很無賴，但我知道你真的會做，因為我相信你，比別人相信你更相信你多很多很多。

聊起旅行，我又確實很想去旅行（只不過我還未想到什麼地方最想去，但我有好幾處想去），只是可不可以一個人去？不可以？那我把你帶著一起去又好不好？

一句說話 *

『慳 d 喇』

如果是在我要用錢的時候說，這句話是完全可以接受的。只是今天在電話裡的情況不一樣，說真的，這句話我並不喜歡（正如你不喜歡我說 a ha 一樣）。

當然，你可以繼續說，我沒有什麼地位可以迫使你改變，然而，我真的不喜歡而已。或許，有些人會覺得這句話很友善，不熟不說，只是那個不是我而已（應該不會是我太特別）。

最後，我當然沒有生氣或不滿意，我只是道出我不喜歡這句話（你大可以不理我），反正這個世界需要獨善其身，而你也沒有改變的必要，我們都活在自己的空間，只是有時候剛巧（？）遇上了交接位。（最後這句很奇怪，不過別無用心）

註：這個月對我來說是地獄三月，很煩。

Coffee mate*

Are you my own Coffee mate ?

幸好有這個愛喝咖啡的你，才令我可以在假日的時光裡，偷閒地喝一杯咖啡，因為我身邊確實沒有像你般愛喝咖啡的人。

我：你看我今天很得你歡心呀。
你：不只是這天呀（口誤？）。

我：枉我對你這麼好。
你：不是枉呀，我也對你很好。

我知道的，因為你（今天？）確實帶了愉快的時光給我。

今天喝了一杯（不是濃濃的）咖啡，等胃再好一點的時候，要去喝一杯濃濃的咖啡，不過應該會是你旅行之後的事（對著你，我是會充滿期待的，嘿）。

註：雖然今天的那杯咖啡算不上好喝，但真的很喜歡口裡面有陣餘（咖啡）香的感覺。

我要………*

我有很多個email a/c，不過最最最常用的只有一個。不過今日要check的是十世都沒開過的，試問記性如螞蟻（？）的我，又怎會記得密碼。而世事也如我所料，不是我常用的密碼（我想揀密碼場時的想法是：好，我要用個其他人猜不到的密碼，最終我自己都猜不到。）

雖然有忘記密碼這回事，但我設了一個不知所謂的問題（！），然後我自己又不知道答案（！！），可見我當時幾有信心自己不會不記得這密碼。於是，我拿了一張紙，把所有有可能的密碼寫上去，然後逐個逐個地試。半小時後，我（終於）成功了。

整件事，有點自己找自己來玩的感覺。

是日要拎阿凡的某些資料。

（打電話給凡）
我：唔係屋企咩？（例牌說話）
凡：要出去呀，你搵我做咩。
我：我要你……我要你……（唔記得要拎咩，所以邊講邊開 email ）
凡：我都知架喇。
我：！！！！！！！

（笑左半分鐘）

你不要想得我太複雜，我要的驚喜就是這麼簡單。

成個三月*

與阿凡聊起我三月的時間表，活動如下：

參觀中央書院、跟陳年網友（即現在的朋友）食飯、去Joanna Wong演唱會、公公生日、跟大學同學食飯、跟小學同學聚會（以上已完成）、（以下為未去／做）看靜茹演唱會、與口賤人（？）唱k跟睇戲、看籃球比賽、迫阿凡找天看《讀愛》、看電影、參加一個小活動、作篇文、迫阿凡對我好點點點點、仲有好幾個展覽（！）我想／要去。


我：你都知我三月幾忙喇，點搵多日同佢地食飯。
凡：係呀，你成個三月都係我架。
我：（！）
凡：哈哈哈


哇，真係又一次猜不到！

需要找藉口嗎?

是日我們在討論一個計劃。

Ｙ：有咩方法可以蒙過我同事唔比佢知我放假呢
我：無，你死心喇，比佢知有咩問題？
Ｃ：你唔返佢地實知架，擺個假人係公司。
Ｃ：我地幫Ｙ人諗諗佢放假單野。
勁：話一早同我地約左。
Ｙ：咁我做咩答應佢呀？
我：你話唔記得左。
Ｃ：你同佢講無錢去，但唔好同佢講你假期去邊。
Ｙ：但係又放假啵。
我：你請左假，無人叫你一定要同佢講你去邊，佢係你條女咩，咩都要同佢講。　
Ｙ：但我做咩無神神請假？
我：有假就請，陪屋企。
Ｃ：可唔可以話你無錢去，但你可以同屋企人去。


Ｃ：又或者話原來你一早應承了朋友但唔記得左，你班朋友(我地)提你你先記得。
Ｙ：屋企人會好點，因為佢會知我講大話。
Ｃ：咁同屋企人啦。
我：知你講大話又點？你好似背住條女同我地去旅行。
Ｃ：咁即係其實你假係有，只係唔知點同條女交待，雖然我唔知點解你要交待。
Ｙ：佢平時好幫我，而且佢約左我嘛。

如果說了第一個謊言，我們便要再找第二個大話去遮掩著它，然後便愈來愈謊話了。到底是什麼時候開始，我們不可以再講真說話？在這個假得很的世界，連說一句話都要小心翼翼，幸好我認識了你們，而且可以在你們眼前口不擇言（甚至說些賤得很的說話）。